Presidenti i SHBA-së, Donald Trump u shfaq dukshëm i acaruar nga rrjedhja e informacionit në media në lidhje me ekzistencën e një piloti të zhdukur në Iran, pas rrëzimit të një avioni luftarak F-15. Ai bëri deklarata të forta gjatë një konference për shtyp që dha në Shtëpinë e Bardhë.
Ai nuk hezitoi ta kërcënonte me burgim gazetarin përgjegjës për rrjedhjen e lajmit nëse ai refuzonte të zbulonte burimin e tij, duke përmendur “arsye sigurie kombëtare”.
Trump theksoi se iranianët nuk ishin në dijeni se kishte një person të zhdukur dhe rrjedhja e informacionit rrezikoi operacionin masiv të organizuar për ta gjetur dhe shpëtuar atë.
Trump tha gjithashtu se u dërgoi armë protestuesve në Iran, por siguroi se ato u vodhën nga "një grup specifik njerëzish".
“Ne dërguam armë, shumë armë, që duhej t'u kishin shkuar iranianëve në mënyrë që ata të mund të luftonin këta hajdutë", - tha presidenti amerikan në margjinat e një feste të Pashkëve në Shtëpinë e Bardhë, duke shtuar: "E dini çfarë ndodhi? Njerëzit të cilëve ua dërguam i mbajtën për vete. Kështu që jam shumë i zemëruar me një grup të caktuar njerëzish dhe ata do të paguajnë një çmim të lartë për këtë."
Më herët Trump akuzoi kurdët se kishin marrë armë të destinuara për protestuesit, në një bisedë telefonike me një gazetar të Fox News, i cili më pas transmetoi komentet e presidentit në rrjetin televiziv. ©LAPSI.al
