Një 38-vjeçare është gjetur e vdekur ditën e diel në kopshtin e një shtëpie në Austri, me plagë të rënda në kokë. Autor i vrasjes dyshohet të jetë bashkëshorti i saj, një shqiptar nga Kosova, nga i cili jetonte e ndarë.
Dyshohet se për vrasjen e saj është përdorur një kaçavidë dhe thuhet se 38-vjeçarja kishte edhe plagë nga një armë zjarri. Armët janë sekuestruar
47-vjeçari ra shpejt në prangat e policisë dhe tani ndodhet në paraburgim.
Sipas hetimeve paraprake, mes çiftit kishte shpesh grindje, por motivi i kësaj vrasjeje ende nuk është i qartë. Viktimës do t’i kryhet një autopsi për të përcaktuar saktë shkakun e vdekjes.
