Kryetarja e Këshillit të Federatës, Valentina Matviyenko deklaroi se Rusia nuk do të rrëmbejë Volodymyr Zelenskyyn, ndryshe nga mënyra si vepruan SHBA-të ndaj Nicolás Maduro, duke e cilësuar këtë si çështje vetërespekti. Në një intervistë për TASS, ajo iu referua zhvillimeve të fundit në Venezuelë, ku Uashingtoni kreu një operacion ushtarak dhe arrestoi presidentin Maduro.
“Rusia nuk do ta rrëmbejë Volodymyr Zelensky ashtu siç vepruan Shtetet e Bashkuara me Presidentin Venezuelan Nicolas Maduro, është çështje vetërespekti. Ky nuk është stili ynë. Ne jemi vendi më i respektuar në botë. Nëse do ta bënim këtë, do të humbisnim respektin për veten tonë. Për të mos përmendur që Shtetet e Bashkuara nuk fituan asgjë nga vrasja e Ajatollah Ali Khamenei. Por njolla do të mbetet në histori përgjithmonë", tha Valentina Matviyenko.
Sipas raportimeve, më 3 janar SHBA ndërmorën sulme ndaj objektivave në Karakas dhe më pas konfirmuan kapjen dhe dërgimin e Maduros dhe bashkëshortes së tij në SHBA, ku më 5 janar dolën para një gjykate federale në Nju Jork për akuza që lidhen me trafik droge, të cilat i kanë mohuar. Delcy Rodríguez, ish-zëvendëspresidente, aktualisht ushtron detyrën e presidentes në Venezuelë pas këtyre zhvillimeve.
