Flash

Muriqi shpërthen në lot pasi i shënoi Realit:“Humba finalen për të shkuar në Botëror”

Lapsi.al 4 April 2026
Muriqi shpërthen në lot pasi i shënoi Realit:“Humba finalen
Një e qarë çliruese, që fsheh brenda shumë gjëra. Vedat Muriqi, heroi i padiskutueshëm i Mallorca që bëri goditjen e madhe ndaj Real Madrid duke e mposhtur 2-1, nuk i mbajti lotët. Një fitore e papritur për skuadrën e vogël që rrezikon rënien nga kategoria, por që i dhuroi vetes një të shtunë të jashtëzakonshme falë sulmuesit të saj, i cili përjetoi një moment emocionues. Ish-lojtari i Teutës shënoi golin e fitores në minutën e 91’ dhe në fund të ndeshjes u rrëzua në fushë mes një deti lotësh, të fshirë nga shokët e skuadrës që vrapuan drejt tij për të festuar. Goli i tij është një asist i madh për Barcelonën që po ecën me shpejtësi drejt fitimit të titullit, por ka edhe shijen e hakmarrjes, siç e pranoi vetë kosovari pas ndeshjes: “Edhe pse nga jashtë dukem shumë i ashpër dhe i fortë, jam gjithashtu një qenie njerëzore dhe ndonjëherë emocionet dhe nervat më lënë. Kam humbur një penallti kundër Elche-s, më pas humba finalen për të shkuar në Botëror dhe për të realizuar ëndrrën më të madhe të jetës sime. Këtu ishim 1-0, pastaj barazimi në minutën e 88-të dhe papritur, një gol, një gol i madh, fitore 2-1, me golin tim”.

Muriqi e lotët pas fitores ndaj Real Madrid

Askush nuk e priste, duke parë diferencën e madhe të vlerave në fushë dhe rëndësinë e madhe të ndeshjes për Blancos, që luanin për titullin në të njëjtën ditë kur Barcelona përballet me Atletico Madrid. Shpresa e skuadrës së teknikut Arbeloa ishte që blaugranat të humbnin pikë, por nuk kishin marrë parasysh një hap fals të mundshëm në Mallorca, e cila ka qenë një zbulim i vërtetë, edhe pse endet me trishtim në zonën e rënies nga kategoria me shpresën për të qëndruar ende në La Liga. Surpriza e parë erdhi në minutën e 41’, kur Morlanes kaloi në avantazh vendasit në mënyrë të papritur. Një pengesë në rrugëtimin e Real Madrid, që në fakt iu desh e gjithë pjesa e dytë për të rikuperuar: barazimi nga Militao erdhi në minutën e 88’, por nuk mjaftoi për të shmangur humbjen, sepse kthesa më e madhe ndodhi në kohën shtesë. Në minutën e 91’, Muriqi mori një pasim në zonë dhe me shumë kthjelltësi shënoi golin e 2-1 që shpërtheu në gëzim të gjithë stadiumin: tifozët ishin të papërmbajtshëm, stoli përqafohej dhe Blancos mbetën të ngrirë në fushë duke parë katastrofën. Emocioni ishte shumë i madh për Piratin, i cili në fund shpërtheu në lot nga emocionet për atë që bëri. Ai i dhuroi skuadrës një gëzim të papërshkrueshëm që për një moment e nxjerr nga zona e rënies, vetëm pak ditë pasi humbi mundësinë për ta çuar Kosovën në Botëror.

Të këshilluara

ide

Çfarë e ka shfazuar Edi Ramën

Përtej teorive komplotiste ka një shpjegim të thjeshtë se si ata të rinj që bërtasin rrugëve të Shqipërisë kundër kryeministrit të tyre, u gjendën në të njëjtën anë të barikadës me mediat më të rëndësishme të globit

16:26 Andi Bushati

Zvërneci si përralla e çekut të bardhë

Shqiptarët janë skeptik kur dëgjojnë historinë e përsëritur se do vijnë investime nga jashtë miliarda euro që do na pasurojnë dhe punësojnë të gjithëve, kuptohet vetëm pasi kanë privatizuar perlat tona kombëtare. Aq më tepër kur përrallat me investime prej miliard eurosh kanë dalë bllof s në rastin e projektit Marina Durrës ku u tha se do investoheshin 2.5 miliardë dollarë

10:03 Blendi Kajsiu

MOTI TIRANA

18°c

KËMBIMI EURO

95.24

aktuale

Ndiqe Lapsin edhe në

Me interes nga publiku

Me sytë katër

PAPARAZZI