Ditën e shtunë, presidentja e Kosovës, Vjosa Osmani do t'ia dorëzojë detyrën e saj, kryetares së Kuvendit, Albulena Haxhiu.
Lajmin e bëri të ditur presidenca e Kosovës përmes një komunikate për media, ku jepen detaje për ceremoninë.
"Në orën 16:00, Presidentja e Republikës së Kosovës, Vjosa Osmani ia dorëzon detyrën Kryetares së Kuvendit të Republikës së Kosovës, Albulena Haxhiu.
Akti ceremonial i dorëzim-pranimit të detyrës do të mbahet në Kabinetin e Presidentes. Mirëpresim ekipet tuaja!" - thuhet në njoftim.
Vjosa Osmani e mbajti detyrën për 5 vjet. Ajo e synoi një mandat të dytë, por Lëvizja Vetëvendosje nuk i dha mbështetje.
Gjykata Kushtetuese e Kosovës ka sanksionuar se Presidenti i ri duhet të zgjidhet deri në 28 prill. Nëse ky afat dështon, atëherë vendi duhet të shkojë në zgjedhje të reja brenda 45 ditësh. /LAPSI.al
