Një ngjarje e rëndë është shënuar këtë të premte në qytetin e Durrësit, ku një nxënës ka humbur jetën në ambientet e shkollës.
Sipas informacioneve paraprake, një 17-vjeçar ka ndërruar jetë gjatë zhvillimit të orës së fiskulturës në gjimnaz.
Sipas policisë, adoleshenti menjëherë është transportuar me ambulancë për ndihmë mjekësore, por ka ndërruar jetë pasi dyshohet se ka pësuar infarkt,
Menjëherë pas ngjarjes, në vendin e ngjarjes kanë mbërritur efektivët e policisë, si dhe grupi i ekspertizës, të cilët po punojnë për zbardhjen e plotë të rrethanave dhe shkaqeve që çuan në këtë tragjedi.
Detaje nga policia:
Rreth orës 15:15, në ambientet e një shkolle të mesme në Durrës, një 17-vjeçar, gjatë kohës që ndodhej në palestër, është ndjerë keq dhe ka humbur ndjenjat.
Menjëherë është transportuar me ambulancë për ndihmë mjekësore, por ka ndërruar jetë.
Nga të dhënat paraprake, dyshohet se vdekja ka ardhur për shkaqe natyrale (arrest kardiak).
Grupi hetimor ndodhet në vendngjarje dhe po punon për zbardhjen dhe dokumentimin e plotë të rastit
