Donald Trump është tallur sërish me presidentin francez Emmanuel Macron duke folur për qëndrimin e tij ndaj luftës me Iranin. Duke iu referuar qëndrimit të aleatëve të SHBA-së në NATO, presidenti amerikan tha fillimisht se "nuk kishim nevojë për ta, por unë i pyeta gjithsesi".
Trump tha se gruaja e presidentit francez "e trajton Macron shumë keq" dhe se ai "ende është duke e marrë veten nga një goditje në nofull".
“E mora Francën, Macron... gruaja e tij e keqtrajton. Ai ende e kujton shuplakën që i dha ajo”, - tha Trump duke shkaktuar të qeshura në sallë.
Kësaj deklarate iu përgjigj vetë Macron. Fillimisht presidenti francez e përshkroi një operacion të mundshëm ushtarak për të "hapur" Hormuzin si jorealist dhe akuzoi presidentin amerikan për dobësimin e NATO-s.
Duke iu referuar talljeve të bëra nga Trump për marrëdhënien me gruan e tij, ai tha se këto komente "nuk janë as të sjellshme dhe as të denja për këtë nivel".
Pak kohë më parë u bë viral një moment kur gjatë një vizite në Azi gruaja e parë e Francës u fiksua duke i dhënë një shuplakë presidentit para se të zbrisnin nga avioni. ©LAPSI.al
