Aktorja e njohur e serialit Friends, Lisa Kudrow, ka ndarë së fundmi kujtime prekëse për mikun dhe kolegun e saj të ndjerë, Matthew Perry, gati tre vite pas ndarjes së tij nga jeta.
Gjatë një interviste më 27 mars për Capital FM, Kudrow tregoi se ka gjetur ngushëllim duke parë episodet e vjetra të serialit që i bëri të famshëm në mbarë botën.
“Pas vdekjes së Matthew ishte shumë ngushëlluese të shikoja serialin” u shpreh ajo. “Më bëntr të qeshja dhe ai ishte aty.”
Aktorja 62-vjeçare nuk hezitoi të theksojë se Perry, i njohur për rolin e Chandler Bing, ishte më i veçanti për të në aspektin e humorit.
“Ishte shumë qesharak, më funny nga të gjithë. Më falni ju të tjerët, por vërtet ishte,” tha ajo, duke shtuar megjithatë se i gjithë kasti e bënte për të qeshur.
Kudrow zbuloi gjithashtu se tani e ka kthyer në rutinë shikimin e serialit, diçka që nuk e bënte gjatë kohës së xhirimeve.
“Nuk i kam parë të gjitha episodet atëherë. Kisha një fëmijë dhe nuk kishim kohë. Madje as nuk e kuptonim kur transmetohej,” tregoi ajo.
Duke reflektuar mbi ndikimin e serialit, aktorja theksoi rëndësinë që kanë prodhimet televizive në një botë shpesh kaotike.
“E kupton sa i rëndësishëm është ky lloj argëtimi – të të bëjë të qeshësh dhe të ndihesh mirë. Është shërues,” u shpreh Lisa.
