Kosova është mposhtur minimalisht 0-1 nga Turqia në finalen e “play-off”-it të Botërorit, duke i dhënë fund ëndrrës për kualifikim.
Ndeshja në stadiumin Fadil Vokrri Stadium u vendos në minutën e 53-të, kur Kerem Aktürkoğlu shënoi golin e vetëm të sfidës, në një moment që u shoqërua edhe me protesta nga vendasit.
Pjesa e parë foli më shumë për Kosovën, me rastin më të pastër që erdhi nga Fisnik Asllani, por tentativa e tij u ndal nga traversa. Në minutat e fundit, “dardanët” provuan sërish të barazonin, por pa sukses.
Skuadra e drejtuar nga Franco Foda largohet kështu me zhgënjim, pasi më herët kishte siguruar finalen duke eliminuar Sllovakinë në gjysmëfinale.
Në fund, një gol i vetëm i mjaftoi Turqisë për të siguruar fitoren dhe për të lënë Kosovën jashtë Botërorit.
Kështu, ëndrra e dardanëve për Botëror mbyllet në hapin e fundit. Në krahun tjetër, Turqia rikthehet të marrë pjesë në Kupën e Botës pas 24 vitesh.
[video width="644" height="360" mp4="https://cdnimpuls.com/lapsi.al/wp-content/uploads/2026/03/69cc27f8919a0-1.mp4"][/video]
