Norvegjia ka ulur përkohësisht taksën për benzinë dhe naftë për shkak të rritjes së mprehtë të çmimeve të karburantit të shkaktuar nga lufta në Lindjen e Mesme. Nga 1 prilli, taksa për benzinën do të ulet me 4.41 korona për litër (39 cent euro) dhe ajo për naftën me 2.85 korona për litër (25 cent euro).
Mediat shkruajnë se ky vendim u mor pas një votimi të mbajtur të enjten në parlamentin norvegjez, gjatë të cilit deputetët votuan pro uljes së taksës së karburantit, megjithëse qeveria ishte kundër masës. Një nga pesë partitë në koalicionin qeverisës, mori anën e opozitës dhe votoi në favor të reduktimit.
Qeveria sqaroi se vendimi për uljen e taksave vlen edhe për produktet e naftës që përdoren në peshkim dhe gjueti. Norvegjia është prodhuesi më i madh i hidrokarbureve në Evropë jashtë Rusisë.
