Robert Pattinson ka tërhequr vëmendjen e fansave me një deklaratë të bërë gjatë premierës në Romë të filmit të tij të ri, The Drama.
I pyetur nga një gazetar se cila shenjë e horoskopit do të ishte një “flamur i kuq” në një marrëdhënie, Pattinson u përgjigj me humor: “Dashi (Aries)”, duke qeshur. Menjëherë më pas ai sqaroi se po bënte shaka dhe se kishte zgjedhur një shenjë rastësisht.
Megjithatë, deklarata e tij nuk kaloi pa reagime në rrjetet sociale. Shumë fansa vunë në dukje se ish-partnerja e tij, Kristen Stewart, i përket pikërisht kësaj shenje.
Komentet në rrjete sociale nuk munguan, ku përdoruesit ironizuan përgjigjen e aktorit, duke e lidhur atë me historinë e tij të kaluar.
Kristen Stewart dhe Robert Pattinson kanë qenë në një lidhje nga viti 2009 deri në 2013, pasi u njohën gjatë xhirimeve të filmit Twilight.
Marrëdhënia e tyre mori fund pas një skandali publik në vitin 2012, kur Stewart u fotografua dhe u zbulua se ishte në një lidhje me regjisorin Rupert Sanders, i cili në atë kohë ishte i martuar. Aktorja kërkoi falje publike për atë që e cilësoi si një “gabim momental”.
Në një intervistë të mëvonshme, Stewart e përshkroi marrëdhënien me Pattinson si një eksperiencë të lidhur me rininë dhe papjekurinë.
Sot, Kristen Stewart është e martuar me Dylan Meyer. Çifti u martua në një ceremoni private në prill të vitit 2025.
Nga ana tjetër, Robert Pattinson është në një lidhje me Suki Waterhouse që nga viti 2018. Çifti mirëpriti fëmijën e tyre të parë në mars 2024 dhe besohet se janë fejuar.
