Presidenti i SHBA-së, Donald Trump ka kritikuar sërish vendet e NATO-s, duke thënë se nuk kanë bërë asgjë për t’i ndihmuar në luftën kundër Iranit, që ai e konsideron si të “çmendur”, duke shtuar se nuk kanë nevojë për ta.
“Vendet e NATO-s nuk kanë bërë absolutisht asgjë për të ndihmuar me kombin e çmendur, tani të shkatërruar ushtarakisht, të Iranit. SHBA-të nuk kanë nevojë asgjë nga NATO, por “mos harroni kurrë” këtë pikë shumë të rëndësishme”, shkroi presidenti në një postim në Truth Social.
Më tej, ai vijon, në një tjetër postim, duke kërcënuar edhe Iranin, që ka mohuar negociatat që po zhvillohen me SHBA për të arritur një marrëveshje. Ai thotë se Teherani duhet të bëhet serioz sa më shpejt përndryshe do të përballet me pasoja.
“Negociatorët iranianë janë shumë të ndryshëm dhe “të çuditshëm”. Ata po na “luten” të bëjmë një marrëveshje, gjë që duhet ta bëjnë meqenëse janë zhdukur ushtarakisht, me zero shanse për një rikthim, megjithatë ata deklarojnë publikisht se po “shqyrtojnë vetëm propozimin tonë”. GABIM!!! Më mirë të bëhen seriozë sa më shpejt, para se të jetë tepër vonë, sepse sapo të ndodhë kjo, NUK KA KTHIM PAS, dhe nuk do të jetë mirë!”, shton ai.
