Autoritetet iraniane kanë vendosur të lejojnë të miturit nga mosha 12 vjeç të bashkohen me radhët e vullnetarëve që patrullojnë Teheranin.
"E gjithë bota dëshiron të kontribuojë në frontin e rezistencës kundër tiranit botëror. SHBA dhe ne kemi një numër shumë të madh vullnetarësh në mesin e të rinjve", tha Raheem Nadali, një anëtar i Gardës Revolucionare, duke folur në televizion.
Mediat shkruajnë se që nga fillimi i luftës, forcat iraniane të sigurisë kanë shumëfishuar pikat e kontrollit në Teheran, me qëllim parandalimin e çdo proteste kundër regjimit.
Përgjegjës për këto kontrolle të zgjeruara është Basij, e quajtur ndryshe forca e mobilizimit e cila përbëhet nga rreth 600 mijë vullnetarë në të gjithë vendin.
Sipas Nadalit, shumë të rinj dhe adoleshentë duan të marrin pjesë në misionet e ndërmarra nga Basijs, të tilla si mbledhja e të dhënave të sigurisë dhe patrullimi.
