Presidenti i Serbisë Aleksandar Vuçiç ka folur me tone të ashpra sërish kundrejt vendeve të tjera të rajonit nga një deklaratë e mbajtur në Beograd, në përkujtim të sulmeve të NATO-s në vitin 1999.
Vuçiç tha se nuk do të heqë kurrë dorë nga Kosova, ndërsa pretendo se “të huajt” i kanë premtuar se nëse do të njohë pavarësinë e vendit do të fitonte Çmimin Nobel për paqen.
“Të huajt ma kanë thënë këtë mijëra herë, ‘do ta fitosh Çmimin Nobel, thjesht njihe Kosovën si vend të pavarur. Shiko nga e ardhmja, mos shiko prapa, mos shiko nga e kaluara”, u shpreh ai.
Ai shtoi se Serbia sot po forcon ushtrinë, teksa akuzoi Shqipërinë, Kosovën dhe Kroacinë për paktin e tyre ushtarak.
“Për muaj të tërë i kam pyetur kudo, ‘pse formuat një aleancë ushtarake’? Nuk ka përgjigje për këtë pyetje. Ata thonë ‘nuk është kundër jush’. Unë nuk ju pyeta këtë, po ju pyes pse e formuat atë aleancë dhe e di që nuk e formuat vetë, e di edhe kush ju tha ta formonit. Po ju pyes pse e formuat, nuk kam marrë kurrë përgjigje dhe nuk do të marr kurrë”, tha Vuçiç.
Ai pretendoi se aleanca u formua në mënyrë që në rast të një konflikti midis Evropës dhe Federatës Ruse, ata të mund të kontrollonin Serbinë në një rreth më të gjerë nga drejtime të shumëfishta dhe të kryenin një sulm ndaj Serbisë, dhe se përveç kësaj, nuk kishte ide tjetër për aleancën.
“Ne e kuptuam atë mesazh, zhvilluam doktrinën e ushtrisë sonë. Shteti serb i sotëm ka si përgjegjësi ashtu edhe seriozitet. Ne nuk do të sulmojmë askënd, as kroatët dhe as shqiptarët, por do ta mbrojmë vendin tonë dhe do të kemi forcë të mjaftueshme për të mbrojtur dhe mbrojtur popullin tonë. Dhe kjo është një e drejtë që askush nuk mund dhe nuk do të na e heqë kurrë”, tha
