Drejtësia angleze ka dënuar me burgim të përjetshëm një çift, i cili vrau djalin e tyre tre muajsh në nëntor të vitit 2024. Shqiptari, Klevi Pirjani dhe portugezja, Nivalda Santos Pirjani thanë se djalit të tyre thjesht i kishte ndaluar frymëmarrja, por skanimet në Spitalin e Fëmijëve, zbuluan se ai kishte pësuar një frakturë të kafkës dhe shumë fraktura të tjera në javët e mëparshme. Pas shtrimit në spital, foshnja ndërroi jetë pas pesë ditësh.
Pas gjyqit të tyre në tetor, Klevi Pirjani, 37 vjeç dhe Nivalda Santos Pirjani, 35 vjeç, e cila është portugeze, u shpallën fajtorë për vrasje, shkaktim ose lejim të vdekjes së një fëmije dhe shkaktim të lëndimit të rëndë trupor.
BBC shkruan se Klevi Pirjani është dënur me 19 vjet burg, ndërsa Nivalda Santos Pirjani është burgosur me 15 vjet e tre muaj. Autoritet policire thanë se ata nuk shpjeguan kurrë pse i kishin shkaktuar lëndime të tilla, foshnjës së pambrojtur.
Prokuroria theksoi se foshnja ishte plotësisht në varësi të prindërve. Ajo theksoi se ata jo vetëm që nuk e mbrojtën, por u bënë përgjegjës për vdekjen e tij.
"Miguel kishte qenë plotësisht i varur nga prindërit e tij për mirëqenien e tij, megjithatë ata ishin përgjegjës për vrasjen e tij dhe asnjëri nuk bënë asgjë për ta parandaluar atë", tha prokuroria.
