Një grup mediash qeveritare të orkestruara për të baltosur protestën e opozitës në 22 mars kanë shpërndarë në grup një video sa qesharake, aq edhe me logjikë fëmijënore. Aty duket deputeti i PD, Xhelal Mziu, i cili gjatë një përplasjeje me policinë shkel gabimisht flamurin kombëtar.
Por fabula nuk përfundon këtu. E bukura është se flamurin e sapoçliruar nga çizmja e antikombëtarit kamzali, shkon ta ngrejë nga toka njëri prej policëve, Edison Mehmetaj, me të cilët protestuesit po përplaseshin (shiko këtu). "Unë do bëja detyrën edhe nëse do isha thjeshtë qytetar. Të njëjtën gjë do ta bëja në çdo lloj forme, edhe nëse do isha protestues. Nuk do e lija flamurin në tokë”, tregoi Mehmetaj për ato media që e frynë këtë ngjarje.
Morali i kësaj skene të servirur si ushqim për budallej është bazik: "Ata që janë kundër qeverisë janë edhe kundër Shqipërisë". Këtë mentalitet, që zakonisht gëlon në mendejet e buroktarëve të regjimeve deiktatoriale e shprehu në formën e tij më mendjeshkurtër. zv kryeministrja e sapo emëruar Albana Koçiu.
Në një nga protestat e mëparshme ajo i akuzoi opozitarët se duan të nxijnë imazhin e vendit, të demtojnë ekonominë dhe të sabotojnë turizmin.
Por, propaganda bajate se atdheun dhe flamurin i duan vetëm ata që kanë pushtetin nuk është një shpikje e origjinale e rilindasve. Edhe këtu ata nuk shkojnë më larg se fantazia e limituar e Berishës.
Sepse filmi me policin që ruan nderin e flamurit është një skenar me autor Berishën, në 21 janar. Pas protestës së dhunshme dhe katër të vrarëve në përpjekje për të hequr me çdo kusht vëmendjen dhe për të njollosur opozitën, atëhere socialiste, Berisha përdori fabulën e policit Amarildo Yzeiri, i cili ngriti nga toka një flamur kombëtar, të ciliët e kishin shkelur mbështetësit e Edi Ramës, para kryeministrisë (shiko këtu). Madje, pasi sekuencat filmike u stërpërdorën nga televizioni i regjimit, Berisha e priti Yzeirin në kryeministri dhe mori në dorëzim prej tij flamurin ndërin e të cilit kishte ruajtur ky polic.
“Në një moment të caktuar një horr, një rrugaç, një bandit, që flamurin kombëtar e kishte për leckë, e vërviti atë tek këmbët e policëve. Amarildo e mori flamurin dhe e ngriti. Flamuri i kombit nuk mund të ishte kurrë një leckë që të flakej.” tha atëhere Berisha para kamerave.
Për këtë shfaqe bajate, kur socialistët erdhën në pushtet, ata e ndëshkuan policin Amarildo. Në nëntor 2013, ai u transferua nga forcat speciale në një polic të thjeshtë roje objektesh në komisariatet e Policisë së Tiranës.
Por, fabulës që dikur e përbuznin socialistët i janë kthyer sot me besim. Edhe ata gjetën pasardhësin e Amarildos, Edisonin, që ruan flamurin, për të rindezur përrallën se opozitat janë anti- kombëtare, njësoj si Berisha i para një dekade e gjysëm.
©Lapsi.al
