Lufta në Lindjen e Mesme ka hyrë në një “fazë të rrezikshme”, ndërsa sulmet pranë objekteve bërthamore të Iranit dhe Izraelit janë shtuar, paralajmëroi Organizata Botërore e Shëndetësisë (OBSH).
“Sulmet ndaj objekteve bërthamore përbëjnë një kërcënim në rritje për shëndetin publik dhe sigurinë mjedisore,” tha Drejtori i Përgjithshëm i OBSH-së, Tedros Adhanom Ghebreyesus, në platformën X.
Ai bëri thirrje urgjente që “të gjitha palët të tregojnë vetëkontroll maksimal ushtarak dhe të shmangin çdo veprim që mund të shkaktojë aksidente bërthamore."
