Lapsi Video

Aplikacioni

Android iOS
Flash

Senegali nuk e kthen trofeun e Kupës së Afrikës: Pepe Thiaw ia dorëzon ushtrisë

Lapsi.al 20 March 2026
Senegali nuk e kthen trofeun e Kupës së Afrikës: Pepe Thiaw ia
Kupa e Afrikës 2026 kishte hyrë tashmë në histori për atë që ndodhi në finale mes Marokut dhe Senegalit, me Luanët e Terangës që u tërhoqën nga ndeshja për protestë, për t’u rikthyer më pas në fushë dhe për të fituar finalen. Tani, pasi CAF njoftoi heqjen e bujshme të trofeut duke ia dhënë, pas më shumë se dy muajsh, Marokut. Një vendim që ka shkaktuar polemika dhe kundërshtime, deri në pikën që ndërhyri edhe qeveria senegaleze, e cila refuzoi zyrtarisht ta dorëzonte trofeun dhe tani vjen edhe gjesti i fundit provokues: trajneri Pepe Thiaw është fotografuar duke ia dorëzuar ushtarakëve që ta ruajnë. Përtej vetë gjestit të Pepe Thiaw, videoja përfaqëson qartësisht një formë ekstreme “rezistence” ndaj vendimit të CAF nga ana e Senegalit, që e konsideron plotësisht legjitime fitoren e edicionit 2026 të zhvilluar në Marok, të fituar pikërisht kundër kombëtares vendase, në shtesë pas momenteve tensioni të madh. Maroku kishte paraqitur një kërkesë formale në Federatën Afrikane të Futbollit duke kundërshtuar fitoren e Senegalit dhe duke kërkuar anulimin e rezultatit të fushës. Për muaj të tërë nuk ndodhi asgjë, me Senegalin që festoi fitoren me paradën klasike në rrugët e kryeqytetit mes një turme të madhe. Federata senegaleze mori edhe shpërblimet financiare të fituesit. Pastaj, kthesa e pabesueshme.

Çfarë ndodhi në finalen Marok-Senegal të Kupës së Afrikës

Vetëm pak javë më parë CAF njoftoi se trofeu i hiqet dhe i jepet Marokut për atë që ndodhi gjatë finales, me lojtarët e drejtuar nga trajneri Thiaw që u larguan nga fusha për rreth 15 minuta, duke braktisur ndeshjen për protestë. Një sjellje që dënohet me humbje në tavolinë, por për të cilën arbitri dhe organizatorët e Kupës së Afrikës nuk morën asnjë vendim, duke pritur rikthimin në lojë dhe përfundimin e finales, të fituar nga Senegali në shtesë. Përballë ankesës së Marokut, CAF përmbysi gjithçka duke shkaktuar një kaos total: në Marok tifozët dolën në rrugë për të festuar Kupën e Afrikës, ndërsa në Senegal shpërtheu protesta e ashpër. Që tani ka arritur kulmin me videon e dorëzimit të trofeut ushtrisë për ta mbrojtur.

Të këshilluara

ide

Ortaku besprerë i Ron Yeffetit

Fabula e përdorimit të sipërmarrëses Arieta Puca, që u promovua nga Rama, për ti hapur rrugën hyrjes në skenë të mikut të tij hebre, përbën realizimin më gjenial të të njëjtit skenar të rilindjes: “Sa më e madhe ëndrra që hidhet në treg, aq më e rëndë është goditja financiare që po përgatitet”

13:41 Andi Bushati

MOTI TIRANA

18°c

KËMBIMI EURO

91.80

aktuale

Ndiqe Lapsin edhe në

Me interes nga publiku

Me sytë katër

SPORT

Të tjerë artikuj

PAPARAZZI