Futbolli italian është eliminuar shpejt nga Champions League 2025-2026. Napoli u eliminua menjëherë në fazën e kampionatit. Interi dhe Juventusi u eliminuan në playoff. Atalanta u shkatërrua në fazën e 1/8-ve nga Bayerni, që shënoi 10 gola në total mes vajtjes dhe kthimit. Thatësira e Serie A në kompeticionin më të rëndësishëm vazhdon. Suksesi i fundit mbetet ai i Interit të Mourinhos në vitin 2010. Sot shtrohen pyetje për problemet? Për të këqijat e futbollit italian? Dhe mes diskutimeve rishfaqen fjalët e teknikut Antonio Conte, i cili më shumë se dhjetë vite më parë analizoi situatën dhe tha se do të duhej kohë për të parë sërish një skuadër të Serie A në majën e Europës. Ato fjalë sot duken profetike.
Conte e profecia për skuadrat italiane në Champions League
Antonio Conte, kur ishte trajner i Juventusit, pas një rezultati negativ në Champions League, tha se për futbollin italian do të ishte e vështirë të rikthehej në majë dhe të fitonte Champions League. Duke thënë se klubet e mëdha europiane (Real Madrid, Barcelona, Bayern, Manchester City, Manchester United, PSG), me fuqinë e tyre ekonomike, do të vazhdonin të blinin lojtarët më të mirë, ndërsa skuadrat italiane do ta kishin shumë të vështirë dhe për shumë vite do të ishte e vështirë të fitonin Champions.
Pesë nga gjashtë skuadrat e përmendura në këtë periudhë kanë fituar Champions League, të cilave u shtohen edhe Liverpool dhe Chelsea, në fakt superfuqi të tjera. Ndërkohë Italia në këtë dekadë ka pasur katër finale Champions: dy me Juventusin (2015, 2017) dhe dy me Interin (2023, 2025), plus një gjysmëfinale me Romën (2018) dhe Milanin (2023).
“Nuk shoh perspektiva fitoreje për asnjë skuadër italiane në Champions League”
Këto janë fjalët e sakta të Contes që përshkruan një skenar i cili, edhe pas më shumë se dhjetë vitesh, të paktën duke parë titujt e fituar në Champions, është realizuar në mënyrë të saktë: “Janë rritur fuqi shumë të mëdha, i referohem Real Madridit, Barcelonës, Bayern Munich, i referohem Manchester United, i referohem Manchester City, i referohem Paris Saint-Germain. Të gjitha këto skuadra kanë potencialin ekonomik dhe kohën për të ndërtuar skuadra shumë të forta".
"Ata i blejnë kampionët, ne e kemi të vështirë të blejmë kampionë nga skuadra të tjera, për më tepër ata as nuk vijnë. Preferojnë të shkojnë në Gjermani, në Angli, në Spanjë. Prandaj duhet të kemi edhe përulësinë për të kuptuar se është një moment në të cilin duhet të punojmë fort, me kokën ulur, dhe të përpiqemi të rikthehemi në nivelet ku ishim. Sepse në këtë moment nuk shoh perspektiva që një skuadër italiane të fitojë Champions League për shumë vite”.
