Një vjedhje është zbuluar në ambientet e shkollës 9-vjeçare “Besëlidhja” në qytetin e Lezhës.
Sipas burimeve paraprake, persona ende të paidentifikuar dyshohet se kanë hyrë në ambientet e shkollës dhe kanë marrë disa kompjutera.
Burime bëjnë me dije se autorët dyshohet të kenë prekur edhe regjistrat e shkollës, çka mund të ndihmojë hetuesit për të kuptuar më mirë qëllimin e vjedhjes.
Ngjarja është konstatuar pak më parë dhe pritet të verifikohen kamerat e sigurisë për të identifikuar autorët. Ndërkohë, policia është njoftuar dhe pritet të nisë hetimet për zbardhjen e plotë të rastit.
"Rreth orës 17:00, shtetasja A. L., drejtoreshë e një shkolle 9-vjeçare në qytetin e Lezhës, ka njoftuar policinë se në ambientet e brendshme të shkollës janë konstatuar 5 dyer të dëmtuara.
Sipas deklarimit paraprak, dyshohet se janë marrë disa dokumente, 1 kompjuter dhe pajisja DVR e kamerave të sigurisë. Grupi hetimor ndodhet në vendngjarje dhe po punon për sqarimin e rrethanave, identifikimin dhe kapjen e autorit/autorëve" - thuhet në njoftimin e policisë. /LAPSI.al
