Ka përfunduar procesi i numërimit të votave në garën për zgjedhjen e Kryetarit të PD, Shkodër. Sipas të dhënave nga komisioni i numërimit që publikohen nga mediat, Ardit Çylybyli është zgjedhur kreu i ri kryeqendrës së veriut.
Procesi ka vijuar i qetë që prej mëngjesit dhe deri në zgjedhjen e Çylybylit në krye të demokratëve të Shkodrës. Përballë tij garonte Gentian Ibro.
[caption id="" align="alignnone" width="539"]
Ardit Çylybyli[/caption]
Më herët u shpallën fituesit për krerët e degëve në Vlorë dhe në Pogradec. Në qytetin bregdetar është zgjedhur kryetare Nada Meçorapaj.
Pas numërimit të votave ajo rezultoi të kishte marrë 496 vota përballë 106 votave që kishte marrë rivalja e saj Darling Banushi. 13 vota ishin të pavlefshme.
Nada Meçorapaj ka qenë më parë deputete dhe sekretare e degës së PD-së në Vlorë.
Ndërsa në degën e PD-së në Pogradec u shpall fitues kandidati Oligert Muçllari që kishte siguruar 247 vota. Kandidati tjetër në garë, Kasëm Galla kishte marrë 224 vota. 6 vota u konsideruan të pavlefshme.
Oligert Muçllari, me profesion ekonomist dhe drejtues i komanduar i degës pas procesit të primareve, kandidonte për herë të parë për drejtimin e degës. ©LAPSI.al
