Autostrada Tiranë–Elbasan është bllokuar këtë pasdite, duke krijuar radhë të gjata automjetesh në drejtim të Elbasanit. Sipas informacioneve paraprake, trafiku është rënduar ndjeshëm nga dalja e tunelit të Krrabës deri në zonën e Bradasheshit, ku është krijuar një kolonë kilometrike mjetesh.
Drejtuesit e automjeteve raportojnë se qarkullimi është pothuajse i paralizuar në disa segmente të aksit, ndërsa mjetet lëvizin shumë ngadalë. Nuk ka ende një njoftim zyrtar mbi shkakun e bllokimit, ndërsa dyshohet se fluksi i lartë i automjeteve dhe një incident në rrugë mund të kenë ndikuar në krijimin e trafikut të rënduar.
