Shumë njerëz preferojnë të mos humbasin kohë duke kërkuar karikuesin për pajisjet e tyre elektronike kur kanë nevojë për të. Ndaj ata zgjedhin ta lënë atë të vendosur në prizë, gati për përdorim. Në këtë mënyrë, kur u nevojitet karikim, ata thjesht e lidhin telefonin me të.
Megjithatë, pak e kuptojnë se kjo praktikë paraqet probleme të rëndësishme. Arsyeja është se kjo shkakton një konsum të panevojshëm të energjisë, por ekziston edhe mundësia e një incidenti serioz.
Kjo sepse, një pajisje karikimi vazhdon të konsumojë energji kur është i vendosur në prizë, edhe nëse nuk po furnizon me energji baterinë e një telefoni celular. Një karikues i vendosur kot në prizë konsumon zakonisht rreth 0.5 vat, një sasi minimale, por e konsiderueshme.
Edhe pse shifra duket e papërfillshme, gjatë një muaji (dhe nëse llogarisim karikues të shumtë) kjo taktikë e rëndon padrejtësisht faturën e energjisë elektrike.
Përveç humbjes së energjisë dhe kostove financiare, ka edhe kërcënime të tjera që vijnë nga karikuesit.
Lidhja e vazhdueshme përshpejton konsumimin e qarqeve të karikuesve ndaj ekziston mundësia e mbinxehjes ose shkatërrimit nga luhatjet e papritura të tensionit.
Për më tepër, nëse pajisjet janë të vjetra ose tregojnë shenja të dukshme përdorimi, ato mund të shkaktojnë zjarr ose edhe të paraqesin rrezik për sigurinë personale.
Këto sfida janë adresuar nga karikuesit modernë, të cilët kanë sisteme të sofistikuara sigurie. Ata kanë aftësinë të ndalojnë furnizimin me energji pasi bateria është “full” ose kur kabulli nuk është i lidhur me një pajisje.
Pajisjet e reja mund të identifikojnë edhe një mosfunksionim të karikuesit dhe t'i dërgojnë një paralajmërim pronarit, në mënyrë që ai ta zëvendësojë menjëherë atë. ©LAPSI.al
