Policia zvicerane ka arrestuar një shqiptar të dyshuar për trafik kokaine në zonën e Luganos.
Zyra e Prokurorit Publik dhe Policia Kantonale njoftuan se aksioni është kryer që në datën 5 mars, si pjesë e një hetimi të kryer në bashkëpunim me njësinë antidrogë të Policisë së Luganos dhe është konfirmuar dy ditë më parë për mediat.
I ndaluari është një 27-vjeçar me banim në Shqipëri, që kishte shkuar për turizëm në vend. Ai dyshohet për përfshirje në një rrjet të madh trafikimi kokaine.
“Kontrollet e personit dhe të ambienteve të tij zbuluan afërsisht tetëdhjetë gramë kokainë, pajisje për paketimin e drogës dhe disa mijëra franga në para të gatshme”, thanë autoritetet.
Policia e zonës kufitare të Vedeggio në Itali bashkëpunoi gjithashtu në hetim.
Akuzat përfshijnë kundërvajtje të rënduar dhe shkelje të Ligjit Federal për Narkotikët. Urdhri i ndalimit është konfirmuar që atëherë nga Gjykatësi i Masave Shtrënguese (GPC).
Hetimi po koordinohet nga Prokurorja Publike Anna Fumagalli.
