Grupi parlamentar i Partisë Socialiste është mbledhur për të diskutuar kërkesën e SPAK-ut për kufizimin e lirisë së Belinda Ballukut dhe nuk e ka aprovuar. Ulsi Manja i cili prezantoi raportin e anëtarëve socialistë në Këshillin e Mandateve, deklaroi se nuk ka vend për zëvendësim të masës së sigurisë.
Vetë kryeministri Edi Rama foli në mbledhje dhe tha se Balluku nuk është akuzuar as për vjedhje e as për korrupsion. Ai e quajti “turravrap të pakuptueshëm” pezullimin e saj, që e cilësoi si “masë absurde” pasi pezulloi funksionin. Ish-zëvendëskryeministrja Belinda Balluku është marrë e pandehur nga SPAK me akuzën për “shkelje të barazisë në tendera”.
