Në Kuvendin e Kosovës ka nisur seanca për zgjedhjen e presidentit. Në sallë janë vetëm 66 deputetë, edhe pse në dy raundet e para kërkohen votat e paktën 2/3-ës së deputetëve, e përkthyer në 80 vota pro.
Kandidatë për president janë Glauk Konjufca dhe Fatmire Kollçaku të Lëvizjes Vetëvendosje. Kryeparlamentarja Albulena Haxhiu tha se deputetët janë të obliguar që të marrin pjesë në seancë, në bazë të aktgjykimeve të Gjykatës Kushtetuese.
Të pranishëm janë vetëm deputetët e pushtetit. Nuk ka asnjë deputet të opozitës. Haxhiu u ka bërë thirrje deputetëve të opozitës që të marrin pjesë në seancë, teksa ka shtuar se nuk i kanë marrë leje për të munguar. /LAPSI.al
