Kreu i PD-së Sali Berisha mbajti fjalën në foltoren e radhës përpara kryeministrisë si çdo të hënë.
Berisha u ndal te fjala e Ramës në mbledhjen e grupit parlamentar socialist pak ditë më parë, teksa tha se lufta ndaj korrupsionit më e dëmshme se korrupsioni.
Kryedemorkati theksoi se kjo është një nga deklaratat më të padëgjuara në histori dhe një fyerje për çdo shqiptar, duke i deklaruar se do vijojë t’i vjedhë.
Berisha: Java është e idealistëve e guximtarëve e kryengritësve. Dua të përshëndes dhjetëra mijëra qytetarë për marshin e tyre epik, të paparë më parë në rrugët e Tiranës ku dhanë mesazhin e një qytetarie të pamposhtur e njerëzve të vendosur në misionin e tyre.
Duhet të flasim hapur, ti themi gjërat siç janë. Vendi po hyn në një fazë kritike si asnjëherë më parë. Edi Rama siç e shihni pasi është kap, vërtetuar si kryehajduti i kombit, deklaroi publikisht se korrupsioni nuk do të luftohet, publikisht para secilit shqiptar se lufta kundër korrupsionit është vetë më e dëmshme se korrupsioni. U tha qytetarëve shqiptarë se asgjë në botë nuk më pengon tju vjedh me gjithë pushtetin që kam. Deklrata më e padëgjuar ndonjëherë në historinë e një vendi. Kush mendon se është një fjalë pa substancë, i them se jo, e keni gabim. Kjo deklaratë u bë në një kohë kur shqiptarët bënë protestat më të fuqishme kundër vjedhjes së tyre. Kjo deklaratë kur komuniteti ndërkombëtar ka sjellë në Tiranë ministra kryesorë të Europës, komisionerë të KE.
