Takimi nisi më mirë për bardheblutë, që kaluan në avantazh në minutën e 25-të me anë të Redon Xhixhës. Megjithatë, përgjigjja e vendasve ishte e shpejtë: vetëm gjashtë minuta më pas, Bismark riktheu baraspeshën, duke mposhtur portierin Visar Bekaj.
Në fraksionin e dytë, Vllaznia rriti ritmin dhe gjeti golin e avantazhit pas një autogoli të Cortes. Më pas, kapiteni Bekim Balaj vulosi rezultatin nga pika e bardhë, duke i dhënë qetësi skuadrës së tij dhe duke ndezur festën në Shkodër.
Me këtë sukses, kuqeblutë ngjiten në kuotën e 51 pikëve dhe vijojnë të mbajnë kreun e renditjes. Nga ana tjetër, Tirana mbetet në vendin e nëntë me 21 pikë të grumbulluara pas 26 javësh kampionat.
Disfatë në rikthim, Orges Shehi humbet për herë të parë në një debutim
Rikthimi i Orges Shehi te Tirana u shoqërua me një zhgënjim të madh, pasi bardheblutë u mposhtën 3-1 nga Vllaznia e drejtuar nga Edi Martini. Për herë të parë në karrierën e tij si trajner, Shehi humbi në një ndeshje debutuese, duke thyer një ecuri pozitive që e kishte shoqëruar më parë në pankinat e Skënderbeu, Kukësi, Partizani dhe Ballkani. Kështu, aventura e re në kryeqytet nis me një humbje që prishi “tabunë” e tij në startet si trajner.
[video width="642" height="360" mp4="https://cdnimpuls.com/lapsi.al/wp-content/uploads/2026/02/69a1e2c2137d6.mp4"][/video] [video width="642" height="360" mp4="https://cdnimpuls.com/lapsi.al/wp-content/uploads/2026/02/69a1e3addd1ed.mp4"][/video] [video width="798" height="360" mp4="https://cdnimpuls.com/lapsi.al/wp-content/uploads/2026/02/69a1ee27e9389.mp4"][/video] [video width="642" height="360" mp4="https://cdnimpuls.com/lapsi.al/wp-content/uploads/2026/02/69a1f21bdfd03.mp4"][/video]
