Një tramvaj nga shinat rreth orës 16:00 të së premtes në Milano. Fatkeqësisht, 2 persona humbën jetën dhe mbi 40 të tjerë u plagosën, 2 prej të cilëve janë në gjendje të rëndë.
Një nga viktimat ishte një italian 60-vjeçar që ndodhej në rrugë ndërsa viktima e dytë është një senegalez që ishte në tramvaj. Ai u dërgua në spital me sinjal të kuq dhe vdiq pak pasi mbërriti aty.
Shkaku i aksidentit është ende duke u përcaktuar. Kryeministrja Giorgia Meloni shprehu ngushëllimet e saj më të thella për aksidentin e rëndë.
"U ndjeva keq, nuk ndihesha mirë", - thuhet se u tha shoferi disa kolegëve që shkuan në vendin e ngjarjes. Ai ka punuar për këtë kompani për 34 vjet dhe u dërgua në spital ku ndodhet jashtë rrezikut për jetën. Hetuesit sekuestruan telefonin e tij celular si një provë kyçe në rindërtimin e aksidentit.
Tramvaji i dalë nga shinat kishte qenë në shërbim për disa javë. Në momentin e daljes nga shinat, tramvaji ishte plot me njerëz, të cilët ranë në tokë si pasojë e përplasjes. ©LAPSI.al
