Policia ka arrestuar ditën e sotme një 20-vjeçar në Durrës. Ai u arrestua nga forcat blu, pasi drejtonte automjetin nën efektin e lëndëve narkotike.
Ai u ndalua në rrugën “Petrit Llaftiu”, pasi kryente manovra të rrezikshme dhe përdorte dhe celularin gjatë drejtimit të automjetit. Pas kryerjes së testit me aparatin drogëtestues, rezultoi nën efektin e lëndëve narkotike.
Njoftimi i policisë
Shërbimet e Policisë Rrugore të DVP Durrës, gjatë patrullimit me objektiv parandalimin e aksidenteve dhe ndëshkimin e shkelësve të rregullave të qarkullimit rrugor, ndaluan një automjet në rrugën “Petrit Llaftiu”, pasi kryente manovra të rrezikshme dhe drejtuesi përdorte dhe celularin gjatë drejtimit të automjetit.
Gjatë veprimeve policore, drejtuesi i automjetit shfaqi sjellje të dyshimta dhe, pas kryerjes së testit me aparatin drogëtestues, rezultoi nën efektin e lëndëve narkotike. Në vijim të veprimeve procedurale, u arrestua në flagrancë drejtuesi i automjetit, shtetasi F. B., 20 vjeç.
Një muaj më parë u vu në pranga edhe një 28-vjeçar për drejtim automjeti nën efektin e lëndëve narkotike. Materialet procedurale iu referuan Prokurorisë së Durrësit, për veprime të mëtejshme.
