Misse Beqiri po rikthehet në ekran me reality show-n amerikan "Ladies of London: The New Reign", por rikthimi i saj në qendër të vëmendjes vjen në një moment paksa të vështirë. Emri i modeles shqiptare ka dalë së fundmi në dokumentet e lidhura me financierin e ndjerë amerikan Jeffrey Epstein, duke rikthyer në fokus një episod të së kaluarës.
Sipas asaj që raportojnë mediat e huaja, Misse ka takuar Epstein në vitin 2011 përmes një miku të përbashkët, në një kohë kur ishte një modele e re në përpjekje për të ndërtuar karrierën ndërkombëtare.
Burimet tregojnë se ai i kishte premtuar kontrata modelingu dhe madje kishte ofruar ta ftonte në Paris me avion privat për të ndjekur një sfilatë mode. Thuhet gjithashtu se kishte shprehur dëshirën t’i dhuronte një makinë luksoze.
“Ka qenë e re dhe nuk e dinte të kaluarën e tij në atë kohë.”, citohet të ketë thënë një i afërt i saj.
39-vjeçarja, e lindur në Shqipëri dhe e rritur në Suedi bëri një postim në rrjetet sociale ku u shpreh krenare për rrugëtimin e saj, duke theksuar se jeta “nuk i është dhënë në pjatë të artë” dhe se ka luftuar për të arritur aty ku është sot.
Misse është nënë e dy fëmijëve, Julian, nga martesa me ish-portierin e Manchester United, Anders Lindegaard, dhe River, nga lidhja me ish-yllin e TOWIE, Jake Hall.
Një nga goditjet më të rënda në jetën e saj ishte vrasja e vëllait, Flamur Beqiri, i cili u ekzekutua me armë zjarri në prag të Krishtlindjes në vitin 2019, në Londër. Ngjarja tronditi opinionin publik dhe familjen e saj.
Autori, një vrasës me pagesë, u dënua me burgim të përjetshëm. Misse ka folur shpesh për dhimbjen e madhe që i la humbja e vëllait, duke e cilësuar si plagën më të rëndë të jetës së saj.
Karriera e Misse Beqirit nisi që në adoleshencë, pasi u zbulua si modele në Kopenhagë. Ajo ka punuar në Paris, Milano dhe Nju Jork, përpara se të bëhej pjesë e reality show-t britanik The Real Housewives of Cheshire. Rikthimi në televizion shihet si një përpjekje për të lënë pas hijet e së shkuarës dhe për t’u fokusuar te e ardhmja dhe fëmijët e saj.
E-mail-et:
Hi,
A mund t’i thuash Jeffrey-t të më telefonojë?
Faleminderit
Missé
Super. Faleminderit. ?
Dërguar nga iPhone.
—
917 515 9775
Numri im i ri, nëse të duhet për ndonjë gjë.
Po dërgoj puthje
Missé
—
Shumë mirë Missé. Do ta njoftoj. Kujdesu për veten,
Lesley
Dërguar nga iPhone.
—
Përshëndetje Lesley,
Telefoni im është jashtë funksioni për ndonjë arsye, kam provuar të telefonoj në Suedi për ta rregulluar, por nuk mundem sepse ata mbyllin për fundjavë! S’ka fat!
Prandaj po dal të gjej një numër amerikan vetëm për fundjavën,
Kështu që njoftoje Jeffrey-n që nuk e kam telefonin dhe do t’i shkruaj sapo të marr një numër; do përpiqem ta zgjidh sa më shpejt.
Sapo u ula (mbërrita)
Faleminderit
Missé—
Shkëlqyeshëm!! Jeffrey jeton në 9 East 71st Street, midis 5th dhe Madison.
Për çdo rast, ndihmësja e tij Sue do të jetë me të këtë mbrëmje nëse të duhet ndonjë gjë. E kam vënë në kopje këtu. Numri i saj i celularit është:
917 971 2459
Faleminderit shumë,
Lesley
—
Hej Lesley!
Sigurisht ?
Xxxx
Dërguar nga BlackBerry përmes Telenor.
—
Përshëndetje Missé, shpresoj që po e shijon qëndrimin këtu në NY. Jeffrey shpreson që të mund të vish në shtëpinë e tij për një vizitë të shtunën, 17 shtator në mbrëmje. A do të ishe e disponueshme rreth orës 8:30?
Të lutem më njofto sa më shpejt që të mundesh.
Faleminderit,
Lesley
Ndihmëse e Jeffrey Epstein
