Dogana e Bllatës po haset me një trafik jo normal. Një burim i Lapsi.al njoftoi se ditën e sotme pritja në doganë shkoi në disa orë.
Kjo doganë është në kufirin mes Maqedonisë së Veriut dhe Shqipërisë. Kolapsimi i kësaj dogane vjen pas devijimit të qarkullimit për shkak të shembjes së rrugës në Librazhd. I gjithë fluksi i makinave dhe kamionëve është orientuar drejt kësaj pike kufitare, duke shkaktuar radhë të gjata.
Gjatë ditëve të fundit, kolona e kamionëve që vijnë nga Greqia, Bullgaria, Turqia dhe Maqedonia e Veriut ka arritur mbi 4 kilometra. Shkak për situatën janë kapacitetet e kufizuara përpunuese në të dyja anët e kufirit, si dhe infrastruktura e ngushtë rrugore.
©Lapsi.al
