Janë publikuar pamjet e një prej protestuesve që sipas Partisë Demokratike është dhunuar rëndë nga policia e shtetit të premten.
Sipas kreut të Grupit Parlamentar të PD-së, Gazment Bardhi, policia ka refuzuar që ta dërgojë në spital protestuesin e dhunuar.
[video width="832" height="464" mp4="https://cdnimpuls.com/lapsi.al/wp-content/uploads/2026/02/WhatsApp-Video-2026-02-20-at-22.58.12.mp4"][/video]
Kjo sipas Bardhit bëhet nga policia që të fshihen provat kundër saj. Ai shtoi se prania e deputetëve të PD-së dhe kërkesa e tyre e vazhdueshme ka bërë që policia të thërrasë autoambulancën dhe të dërgojë të dhunuarin në spital.
I lënduari është vizituar në spital edhe nga kreu i PD-së Sali Berisha. Ai tha se i riu është goditur me këpucë në kokë nga uniformat e policisë.
Në komisariatet e Tiranës janë të shoqëruar mbi 40 qytetarë që kishin marrë pjesë në protestën kombëtare të opozitës, një pjesë e të cilëve kanë qenë të mitur. /LAPSI.al
