Era e fortë që ka përfshirë qytetin e Vlorës mbrëmjen e djeshme dhe gjatë orëve të natës ka shkaktuar dëme. Rreth orës 04:00 te mëngjesit, në zonën e Pyllit të Sodës, një pishë e madhe është rrëzuar si pasojë e erërave të fuqishme. Ajo ka bllokuar plotësisht aksin rrugor që të çon drejt fshatit Zvërnec.
Si pasojë e rrëzimit të pemës, një automjet që po qarkullonte në atë segment rrugor është përplasur me pishën e rënë në rrugë. Nga aksidenti janë regjistruar vetëm dëme materiale. Fatmirësisht nuk ka pasur persona të lënduar.
