Trupi i një 25-vjeçari shqiptar, banor i Santa Vittoria d'Alba në Cuneo të Italisë, u gjet i pajetë pasditen e së premtes, (20 shkurt 2026). Një shofer kalimtar vuri re praninë e tij pranë një makine Lancia Ypsilon të zi, me shumë mundësi në pronësi të viktimës, dhe ngriti alarmin.
Autoritetet nuk e kanë konfirmuar këtë, por sipas mediave italiane ai është vrarë nga një plumb në kokë. Arma nuk u gjet në vendngjarje, kështu që nuk ka dyshim se ishte një vrasje. Kjo hipotezë mbështetet edhe nga fakti se trupi u gjet pjesërisht i mbuluar me rërë.
Hetimet po kryhen nga oficerët e karabinierëve dhe njësia hetimore e komandës provinciale të Cuneos, të koordinuar nga Prokurorja Publike e Zyrës së Prokurorit të Astit. Kjo e fundit ka urdhëruar një autopsi mbi trupin, e cila do të kryhet të shtunën. Identiteti i viktimës nuk bëhet i ditur ©LAPSI.al
