Klimë e nxehtë në fund të ndeshjes mes Atalantës dhe Borussia Dortmund: Raffaele Palladino, dukshëm i irrituar, u drejtua për në tunelin e dhomave të zhveshjes pa u ndalur për përshëndetjen e zakonshme me Nico Kovac. Për Dea-n komplikohet rruga në Champions: humbja 2-0 në Gjermani, firmosur nga Guirassy dhe Beier, e detyron skuadrën bergamase në një përmbysje të vështirë në kthim.
Në fund u ndez një tjetër episod: Kovac iu afrua për shtrëngimin e dorës, por Palladino vazhdoi drejt zhveshtoreve, i irrituar – sipas burimeve – nga protestat e vazhdueshme të pankinës kundërshtare. Kovac reagoi me një gjest habie.
Palladino tha për Sky: “Nuk më pëlqen të protestoj, ata protestonin për çdo faull dhe çdo gjë. Unë përpiqem të mos e bëj kurrë dhe t’i lë arbitrat të vendosin”.
Në konferencë shtoi: “Nuk ndodhi asgjë e rëndë. Thjesht vura në dukje se, sipas mendimit tim, duhet të ulin tonet dhe të protestojnë më pak. Gjatë gjithë ndeshjes pashë pankinën e tyre të ankohej sistematikisht për çdo vendim. Filozofia ime është diametralisht e kundërt”.
Kovac nga ana e tij: “Doja t’i shtrëngoja dorën, por nuk kuptova çfarë ndodhi. Kishte thënë diçka në italisht që nuk e kuptova. Lojtarët e mi u ankuan? Në futboll është normale. Ishte një ndeshje e qetë”.
