Lapsi Video

Aplikacioni

Android iOS
Flash

Zyrtare, De Zerbi nuk është më trajner i Marseille: prapaskenat e ndarjes

Lapsi.al 11 February 2026
Zyrtare, De Zerbi nuk është më trajner i Marseille: prapaskenat e
Roberto De Zerbi nuk është më trajner i Olympique Marseille. Pas zërave të qarkulluar më parë, klubi francez e zyrtarizoi të martën në mbrëmje ndarjen me teknikun italian përmes një komunikate. I ardhur në pankinë në vitin 2024, RDZ paguan një seri rezultatesh zhgënjyese, mes tyre humbja 3-0 në Bruges që solli eliminimin nga Champions League dhe 5-0 i rëndë ndaj PSG-së në kampionat. Në komunikatë flitet për zgjidhje me marrëveshje të dyanshme, pas një takimi mes pronësisë, presidencës, drejtorisë sportive dhe trajnerit, ku u vendos se ndryshimi në pankinë ishte zgjidhja më e përshtatshme për fundin e sezonit. Klubi falënderoi De Zerbin për punën e bërë, duke kujtuar veçanërisht vendin e dytë në sezonin 2024/25, dhe i uroi suksese në të ardhmen.

Komunikata e Marseille

“Një vendim i vështirë”, shkruan klubi: “Olympique de Marseille dhe Roberto De Zerbi njoftojnë me marrëveshje të përbashkët përfundimin e bashkëpunimit. Pas një diskutimi që përfshiu të gjithë drejtuesit e klubit, u vendos për një ndryshim në drejtimin e skuadrës së parë. Ishte një vendim i vështirë dhe kolektiv, i marrë pas një vlerësimi të kujdesshëm dhe në interesin më të mirë të klubit”. Sipas mediave franceze, dhoma e zhveshjes nuk ishte më e bashkuar me zgjedhjet e fundit taktike të trajnerit: ndryshimi i sistemit, lëvizja e Greenwood, menaxhimi i Rulli-t dhe disa vendime të mëparshme kishin krijuar pakënaqësi të brendshme. Atmosfera në “La Commanderie” ishte shumë e rënduar dhe situata konsiderohej tashmë e pakthyeshme.

Të këshilluara

ide

Rama dhe psikologjia e masave: Rruga e fashizmit hapet nëse mposhtet ptotesta

Në rastin e protestave aktuale, thelbi nuk është “urrejtja e masës” ndaj zhvillimit. Thelbi është se një pjesë e madhe e shoqërisë nuk pranon më që “zhvillimi” të përkufizohet vetëm nga qeveria, investitori dhe propaganda. Qytetarët po thonë se zhvillimi duhet të matet edhe me demokraci, drejtësi, mjedis, punë dinjitoze, llogaridhënie dhe të drejtën e qytetarëve për të vendosur mbi hapësirat ku jetojnë

21:27 Klevis Kolasi

MOTI TIRANA

28°c

KËMBIMI EURO

94.89

aktuale

Ndiqe Lapsin edhe në

Me interes nga publiku

Me sytë katër

SPORT

Të tjerë artikuj

PAPARAZZI