Presidenti amerikan, Donald Trump ka deklaruar gjatë mbledhjes së kabinetit sot, se i ka kërkuar presidentit rus, Vladimir Putinit një armëpushim njëjavor në Kiev dhe zona të tjera të vendit për shkak të të ftohtit mbizotërues.
"Ai pranoi ta bënte dhe ne jemi të lumtur që e bëri", tha Trump, duke vënë në dukje se ukrainasit ishin të lumtur me këtë zhvillim pasi po vuanin.
Gjithashtu presidenti amerikan deklaroi se fillimisht shumë e këshilluan të mos bënte thirrjen specifike, por siç tha ai, e bëri këtë dhe arriti rezultate pozitive. Ndërkohë, i dërguari special i SHBA-së, Steve Witkoff, deklaroi se palët e përfshira po diskutojnë çështjen e zgjidhjes territoriale, ndërsa tha se marrëveshjet në lidhje me sigurinë dhe prosperitetin janë kryesisht të përfunduara.
Sipas Witkoff, bisedimet pritet të vazhdojnë pas rreth një jave, duke shprehur vlerësimin se është bërë shumë përparim në negociata.
Presidenti Trump tha se planifikon të njoftojë zgjedhjen e tij për të zëvendësuar Kryetarin e Rezervës Federale Jerome Powell javën e ardhshme, duke i dhënë fund javëve të spekulimeve se kush do të drejtojë bankën qendrore të SHBA-së pasi të përfundojë mandati i Powell në maj 2026.
