Lapsi Video

Aplikacioni

Android iOS
Flash

Aksident i tmerrshëm, humbin jetën shtatë tifozë të PAOK: shkonin drejt Lionit

Lapsi.al 27 January 2026
Aksident i tmerrshëm, humbin jetën shtatë tifozë të
Tragjedi e tmerrshme në prag të Lione-PAOK Selanik të Europa League, ndeshje e programuar për të enjten. Shtatë tifozë të skuadrës greke, që ishin nisur me makinë për të arritur në Francë, kanë vdekur sot në vend në një aksident rrugor në Rumani. Tre persona të tjerë kanë mbetur të plagosur dhe janë ende të shtruar në spital.

Aksident fatal për shtatë tifozë të PAOK drejt Lionit

Aksidenti fatal ka ndodhur në Rumaninë perëndimore, në autostradën DN6-E70, pranë Lugojel. Pamjet, të regjistruara nga kamera e një mjeti që udhëtonte pas minivanit të zi të tifozëve të PAOK, të lënë pa frymë për dhunën e përplasjes. Fatal ka qenë një tentativë e pamatur parakalimi ndaj një kamioni, që u shndërrua në përplasje shkatërruese ballore me një mjet tjetër të rëndë që vinte në drejtim të kundërt. Nuk dihet nëse në tragjedi ka ndikuar një përgjumje apo nëse drejtuesi ka humbur kontrollin e mjetit, fakti është se videoja tregon minivanin që copëtohet fjalë për fjalë dhe hidhet (ajo që mbetet) jashtë karrexhatës, duke shmangur për pak përplasjen me mjetin që po filmonte.

Nuk pati shpëtim: vdiqën në vend

Sipas raportimeve të para zyrtare, shtatë persona kanë vdekur në vend, ndërsa tre të tjerët janë ndihmuar me plagë të shkallëve të ndryshme dhe janë transportuar me urgjencë në spitalet më të afërta. Operacionet e ndihmës janë penguar nga kushtet e këqija atmosferike në zonë, siç shihet edhe në pamje. Një burim nga Urgjenca rumune ka dhënë detaje të mëtejshme mbi operacionin e asistencës dhe skenarin e tragjedisë: “Aksidenti ka përfshirë disa mjete, mes tyre edhe një autobot që transportonte alkool. Fatmirësisht nuk ka pasur rrjedhje apo rreziqe shtesë. Janë kërkuar helikopterë, por moti i keq e ka penguar përdorimin e tyre”. Natyrisht lajmi është pritur me tronditje në Greqi, duke hedhur një hije të rëndë mbi javën e futbollit europian. E pamundur të mendosh për futbollin në momente si këto.

Të këshilluara

ide

Po tani, a duhet të dorëhiqet Veliaj?

Deri më tani për ta nxjerë Lalin nga burgu u përdor alibia e mos dëmtimit të interesit të qytetarëve dhe punëve të Tiranës. Këtej e tutje, pasi mirë apo keq, Gjykata e Lartë vendosi të lërë edhe për një kohë relativisht të gjatë të izoluar, duhet të jesh i pafytyrë që të mbrosh idenë se ai mund të mbetet kryebashkiak edhe në dëm të këtij interesi

12:27 Andi Bushati

MOTI TIRANA

18°c

KËMBIMI EURO

91.71

aktuale

Ndiqe Lapsin edhe në

Me interes nga publiku

Po tani, a duhet të dorëhiqet Veliaj?

Deri më tani për ta nxjerë Lalin nga burgu u përdor alibia e mos dëmtimit të interesit të qytetarëve dhe punëve të Tiranës. Këtej e tutje, pasi mirë apo keq, Gjykata e Lartë vendosi të lërë edhe për një kohë relativisht të gjatë të izoluar, duhet të jesh i pafytyrë që të mbrosh idenë se ai mund të mbetet kryebashkiak edhe në dëm të këtij interesi

12:27 Andi Bushati

Me sytë katër

SPORT

Të tjerë artikuj

PAPARAZZI