Danimarka sheh një mundësi për të negociuar me SHBA-në kushtet për forcimin e sigurisë në Grenlandë. Mediat e huaja shkruajnë se kjo erdhi pas njoftimit të presidentit amerikan Donald Trump, ndërsa Ministri i Jashtëm danez, Lars Loke Rasmussen foli sot për një marrëveshje kornizë me NATO-n për ishullin Arktik.
"Një mundësi u shfaq në mënyrë që të mund të kemi përsëri negociata kuptimplota midis mbretërisë, pra Danimarkës dhe Grenlandës nga njëra anë, dhe Shteteve të Bashkuara nga ana tjetër.
Kështu që unë mendoj se ne ndajmë qëllimet, por jo domosdoshmërisht metodat, dhe tani lind mundësia për t'i vendosur gjërat në vendin e tyre," tha Rasmussen në një konferencë shtypi me ministren e Jashtme suedeze Maria Malmer Stenergaard.
