Në javën e njëzet e dytë të Premier League, Manchester City pëson humbje në derbin kundër United: debutim perfekt për Carrick në pankinën e Red Devils, 2-0 ndaj Guardiolës me vulën e Mbeumo (65’) dhe Dorgu (76’). Me të njëjtin rezultat Chelsea në Stamford Bridge mposht Brentford: Blues kalojnë në avantazh me Joao Pedro në minutën e 26’, më pas Palmer mbyll llogaritë me penallti në të 76’. Vetëm barazim 1-1 për Liverpool në shtëpi me Burnley, bie Tottenham.
CHELSEA–BRENTFORD 2-0
Gjithçka mjaft e lehtë për Chelsea, që në Stamford Bridge mposht Brentford 2-0. Në fillim Bees duken sikur mund të frikësojnë kundërshtarët, por pak para gjysmë ore vjen avantazhi i Blues me Joao Pedro, i shërbyer nga Enzo Fernandez. Vendasit e mbyllin pjesën e parë në avantazh, më pas në fillim të pjesës së dytë mysafirët kërkojnë me ngulm barazimin. Pak më pak se një çerek ore nga fundi vjen goditja e nokautit: penallti e akorduar për njerëzit e Rosenior, me Cole Palmer që nuk gabon në minutën e 76’. Chelsea ngjitet në 34 pikë, duke kaluar pikërisht Brentford në vendin e gjashtë, i cili mbetet në kuotën 33.
LIVERPOOL–BURNLEY 1-1
Një tjetër hap fals për Liverpool, vetëm 1-1 në Anfield kundër Burnley, që kishte në fushë nga minuta e pare sulmuesin e kombëtares Armando Broja. Formacioni i drejtuar nga Slot nis menjëherë shumë fort dhe fiton një penallti në minutën e 32’ me Szoboszlai. Nga pika e bardhë hungarezi godet shtyllën, me mysafirët që shpëtojnë. Reds nuk demoralizohen dhe në minutën e 42’ gjejnë gjithsesi golin e 1-0 me Wirtz, pas asistit të Jones. Njerëzit e Parker befasojnë kundërshtarët në fillim të pjesës së dytë, duke barazuar shifrat në minutën e 65’ me Edwards. Vendasit në rreth gjysmë ore të mbetur provojnë në çdo mënyrë të kalojnë sërish në avantazh, por pa ia dalë. Me këtë 1-1 Liverpool ngjitet në 36 pikë, vetëm një mbi Manchester United-in me 35. Pikë e rëndësishme për Burnley, që shkon në kuotën 14.
NDESHJET E TJERA
Bie Tottenham, i mposhtur 2-1 në shtëpi nga West Ham: Hammers kalojnë në avantazh në minutën e 15’ me Summerville-n, Spurs barazojnë në të 64’ me Romero-n, por Wilson në minutën e 93-të i dhuron fitoren mysafirëve. Sunderland mposht 2-1 Crystal Palace-n: për Black Cats mjaftojnë golat e Le Fee (33’) dhe Brobbey (71’), nuk mjafton goli i Yeremy Pino (30’) për skuadrën e Glasner. Hap fals për Fulham, i mundur në fund në fushën e Leeds (gol i Nmecha në minutën e 91’).
