Flamurtari ka ndalur Elbasanin në javën e 19-të të Superiores. Sfida e luajtur në “Elbasan Arena” u mbyll me rezultatin 1-1.
Elbasani dominoi pjesën më të madhe të ndeshjes. Verdheblutë kontrolluan lojën dhe krijuan raste. Goli i avantazhit erdhi në minutën e 73-të. Diallo shënoi saktë nga pika e penalltisë.
Flamurtari reagoi në minutat e fundit. Oshafi barazoi shifrat dhe shtangu vendasit. Pas golit, ekipi vlonjat rrezikoi edhe përmbysjen.
Pas 19 javësh, Elbasani renditet në vendin e dytë. Verdheblutë kanë 3 pikë më pak se Egnatia kryesuese. Flamurtari mban vendin e parafundit. Vlonjatët janë 4 pikë larg Vorës, skuadër jashtë zonës së ftohtë.
