Policia italiane finalizoi një operacion antidroge, që çoi në arrestimin e një 21-vjeçari shqiptar. Sipas mediave të huaja, kontrolli u zhvillua gjatë natës në Chiusa, përgjatë autostradës SS12, pranë Piazza Fraghes.
Oficerët ndaluan një MG3 që mbante një burrë shqiptar, sjellja veçanërisht nervoze e të cilit ngjalli dyshime. Një kontroll i mëvonshëm i personit dhe automjetit të tij zbuloi dy pako që përmbanin gjithsej afërsisht 200 gram kokainë.
Mediat italine shkruajnë se, kontrollet vazhduan më pas në strehimin e përkohshëm të të riut, një vendbanim në Naz-Sciaves , ku u sekuestruan një peshore precize dhe dy thika me gjurmë të qarta të një substance të bardhë, me sa duket e përdorur për paketimin e dozave.
Droga, materiali i gjetur dhe automjeti i përdorur për transport u sekuestruan dhe u vunë në dispozicion të autoriteteve gjyqësore. Substanca narkotike u dërgua në Laboratorin e Analizës së Narkotikëve në Bolzano për analiza rutinë. 21-vjeçari u arrestua në flagrancë për posedim droge me qëllim tregtie dhe u transferua në burgun e Bolzanos.
