Java e njëzetë e Serie A mbyllet me goleadën e Juventus, që shkatërron 5-0 Cremonese në “Allianz Stadium”. Brenda tre minutash, bardhezinjtë e sistemuan sfidën me golat e Bremer (devijim i pavullnetshëm me kokë në goditjen nga jashtë zonës të Miretti në minutën e 12’) dhe David (15’). Yildiz gabon një penallti, por në topin e rikthyer nga shtylla shënon golin e 3-0 në minutën e 35’; më pas, në pjesën e dytë, autogoli i Terracciano (48’) dhe goditja me kokë e McKennie (64’) certifikojnë festën e “Zonjës së Vjetër”. Spalletti shkon në 39 pikë dhe, në pritje të ndeshjeve për t’u rikuperuar, barazon Napolin dhe Romën, duke shkuar në -4 nga Inter. Ndërsa lojtarët e teknikut Nicola mbeten në kuotën 22, për momentin në +8 nga zona e rënies.
Fillon sprinti, mbërrin Juventus. Bardhezinjtë hipin në “trenin që ëndërronin”, për të përdorur fjalët e teknikut Spalletti, e likuidojnë Cremonese 5-0 në pak më shumë se një orë (gola nga Bremer, David, Yildiz dhe McKennie dhe autogol i Terracciano) dhe barazojnë Napolin dhe Romën në grupin e vendeve të treta, në -1 nga Milan dhe -4 nga Inter, në pritje të sprintit të gjatë final. Nëse do të jetë për titullin apo për Champions do ta thonë ndeshjet për t’u rikuperuar të tre skuadrave të para të klasifikimit të mërkurën dhe të enjten dhe, sidomos, përballjet direkte të Juventus në fund të janarit dhe në mesin e shkurtit me të besuarit e Conte (në shtëpi) dhe Chivu (jashtë). Ndërkohë, megjithatë, “Zonja” e ka nisur tashmë sprintin e saj personal: fitorja e nëntë në 11 paraqitjet e fundit mes kampionatit dhe kupave, e pesta në gjashtë të fundit në Serie A.
GENOA – CAGLIARI 3-0
Përplasja për mbijetesë e javës së njëzetë të Serie A shkon për Genoan, që në Marassi mposht 3-0 Cagliarin duke u kthyer te fitorja pas pesë turësh. Ndeshja zhbllokohet që në minutën e 7-të me të majtën e Colombo-s pas asistit të Malinovskyi-t, por është mes minutave 75’ dhe 78’ që ligurët e mbyllin takimin: fillimisht e djathta e Frendrup nga jashtë zone e devijuar nga Prati, pastaj goditja me kokë e Ostigard që mbyll llogaritë duke shfrytëzuar krosin nga goditja e dënimit e ekzekutuar nga Martin. Me këtë sukses, të parin e vitit 2026, skuadra e De Rossi-t ngjitet në 19 pikë dhe barazon pikërisht sardenjët: të dyja janë në +5 nga vendi i parafundit i zënë nga Fiorentina, në pritje të rikuperimit Verona-Bologna.
