Ish-zëvendëskryeministri Arben Ahmetaj është rikthyer në një intervistë të katërt për emisionin “Çim Peka Live” në SYRI TV.
Ahmetaj tha se shteti është shndërruar në një strukturë mafioze. Sipas tij në krye të kësaj strukture qëndron kryeministri Edi Rama.
Pranë tij, sipas Ahmetajt qëndron “grabitësja” me të cilën identifikon Belinda Ballukun, Erion Veliaj dhe një person i katërt që ai nuk ia nxori emrin, por që tha se ka zyrën ngjitur me Ramën.
Ahmetaj tha se familja e tij është kërcënuar dhe se SPAk nuk ka bërë asnjë hetim. Ahmetaj tha se ka pasur tentativë për sekuestrim personi dhe eliminim.
“Do të më nxirrnin me forcë nga këtu (Zvicra), do të më çonin në Itali dhe më pas do të më dorëzonin te Altin Dumani për të mos dalë më i gjallë” – tha Ahmetaj.
Ai tha se ka marrë mesazhe kërcëuese me vdekje për veten dhe fëmijët. Mesazhi i fundit ka qenë në tetor të vitit të kaluar. I pyetur nëse lidhet kjo me ngjarjet në Shqipëri kur Belinda Ballukut iu komunikua akuza, Ahmetaj tha se shpresonte "që kjo të mos kishte lidhje" ©LAPSI.al
