Presidenti amerikan Donald Trump ishte me humor të mirë të martën. Kush e di saktësisht pse, por në një nga fjalimet e tij mbi çdo çështje të mundshme dhe të pamundur, ai shkoi deri aty sa të tallte edhe peshëngritësit transgjinorë.
“Gruaja ime e urren kur unë e bëj këtë [domethënë imitimet]. Ajo është një grua shumë elegante. Ajo e urren të më shohë duke kërcyer", - tha ai në një fjalim në Qendrën Trump-Kennedy, e cila kohët e fundit ka marrë edhe emrin e tij, pavarësisht kundërshtive për riemërtimin.
Ai vazhdoi të tregojë bisedat me gruan e tij: “I them asaj, “Të gjithë duan të më shohin duke kërcyer”, dhe ajo thotë, “Zemër, kjo nuk i ka hije një presidenti”. Por, unë u bëra president! “A mund ta imagjinosh Franklin Roosevelt duke kërcyer?”, thotë ajo, por duket se ndoshta [Melania] nuk di shumë për historinë amerikane”. (Vlen të kujtohet se Roosevelt ishte në karrocë me rrota në vitet e fundit të jetës së tij.)
Duke ndryshuar temën, Trump filloi të portretizonte peshëngritësit transgjinorë dhe të tregonte se si ata kanë vështirësi të ngrenë pesha duke qarë më pas. "Një burrë shkon dhe ngre peshën me lehtësi, kjo është çmenduri" – tha Trump.
Ai nuk la pa u tallur edhe Nicolas Maduron, të cilin forcat amerikane e arrestuan të shtunën. Trump pretendoi se Maduro i kopjoi lëvizjet e vallëzimit, se kishte "vrarë miliona njerëz në Venezuelë" dhe se kishte një dhomë torturash në qendër të Karakasit. ©LAPSI.al
