Paris Jackson ka festuar gjashtë vite pa alkool dhe substanca, duke ndarë një mesazh të ndjerë me ndjekësit e saj në Instagram. Vajza e Michael Jackson, 27 vjeç, reflektoi mbi rrugëtimin e saj drejt shërimit dhe sfidat që ka kaluar gjatë viteve.
“Të jesh esëll nuk do të thotë se jeta është perfekte,” shkroi Paris. “Pas disa vitesh, gjithçka u bë shumë e vështirë për një kohë të gjatë dhe nuk kisha më të njëjtat mekanizma për t’u përballur.”
Ajo theksoi se ka mësuar ta jetojë jetën ashtu siç vjen, duke qenë e hapur për betejat e saj me shëndetin mendor. Paris u drejtua gjithashtu ndjekësve që përballen me vështirësi të ngjashme, duke u kujtuar se nuk janë vetëm.
Mesazhin e saj e mbylli me fjalë inkurajuese: “Qëndroni fort. Dhe nëse sot askush nuk ju ka thënë se ju do, unë ju dua.”
Postimi u shoqërua me një video-montazh nga momentet e vitit të fundit, ku Paris shihet duke kaluar kohë me qenin e saj, duke luajtur kitarë dhe duke qeshur në biseda me miq.
