Një aksident ka ndodhur mbrëmjen e sotme në Petovë pranë FNSH- së. Një automjet tip “ Benz” ka përplasur dy këmbësorë, çift bashkëshortësh. Këta të fundit kanë marrë lëndime si pasojë e goditjes së fortë. Të plagosurit Avni Meto dhe Hatixhe Meto janë transportuar me urgjencë drejt Spitalit Rajonal Fier, për të marrë ndihmën e nevojshme mjekësore dhe sipas burimeve ndodhen jashtë rrezikut për jetën.
Shërbimet e policisë dhe grupi hetimor ndodhen në vendngjarje për të përcaktuar shkaqet e këtij aksidenti.
