Dinamo ka triumfuar në Superkupën e Shqipërisë duke mposhtur Egnatian me rezultatin 1-3 në stadiumin “Air Albania”. Skuadra e drejtuar nga Ilir Daja arriti fitoren me përmbysje, pavarësisht se e mbylli pjesën e parë në disavantazh.
Egnatia kaloi e para në avantazh me golin e Ruçit, ndërsa Dinamo shpërdoroi disa raste të pastra shënimi. Në pjesën e dytë, dinamovitët reaguan fuqishëm, duke gjetur rrjetën dy herë me Bregun dhe Nanin, për të përmbysur rezultatin.
Fatin e ndeshjes e vulosi Qefalija, i cili realizoi nga pika e bardhë e penalltisë në minutat e fundit. Me këtë sukses, Dinamo rikthen trofeun e Superkupës pas 17 vitesh pritjeje.
Skuadra blu konfirmohet si “makth” për ekipin e Edlir Tetovës, pasi gjatë këtij viti e ka mposhtur Egnatian edhe në përballje të tjera vendimtare.
Kjo ishte hera e tretë në histori që Dinamo fiton Superkupën e Shqipërisë. Me këtë triumf, dinamovitët numërojnë po aq trofe sa Partizani dhe Skënderbeu. Në krye të listës së fituesve vijon të qëndrojë Tirana, me plot 12 trofe Superkupe.
[video width="756" height="360" mp4="https://cdnimpuls.com/lapsi.al/wp-content/uploads/2025/12/69518de0d543f.mp4"][/video]
