Nën pemën e Krishtlindjes, Juventus gjen drejtorin e ri sportiv: do të jetë Marco Ottolini, i lirë prej disa muajsh pas largimit nga Genoa. Administratori Comolli ka marrë vendimin dhe drejtori ka pranuar ofertën. Mbeten vetëm disa detaje formale dhe kontraktuale. Ottolini do t’i bashkohet stafit drejtues dhe do të ketë rol aktiv edhe në merkato në janar. Spalletti pret përforcime.
Ottolini ka marrëveshjen me Juven
Firma pritet në orët e ardhshme, ndoshta para Krishtlindjes. Ottolini do të ketë një rol të rëndësishëm në janar, kur Juventusi duhet të përforcojë skuadrën duke mbajtur premtimet ndaj teknikut Spalletti, i cili ka nevojë për një lojtar për çdo repart.
Karriera e Marco Ottolini
I lindur në vitin 1980, ish-futbollist (me një përvojë të shkurtër te Brescia), në vitin 2015 nisi karrierën si drejtues te Anderlecht si skaut. Pas tre vitesh në Belgjikë, u transferua te Juventus, ku nisi një rrugëtim që sot e rikthen sërish bardhezi.
Lojtarët e zbuluar te Genoa
Te Juventus u mor me projektin “Club 15” dhe me lojtarët në huazim, duke ndjekur nga afër Next Gen. Në vitin 2022 kaloi te Genoa si drejtor sportiv, rol që e mbajti për tre sezone. Ka sjellë në ekip lojtarë si Dragusin, portierin Martinez, De Winter dhe Retegui, të cilët më pas u valorizuan ndjeshëm. Tani do të punojë me Comolli dhe Modesto me synimin e qartë për ta rikthyer Juven në majë.
